ܐܵܬܘܿܪܵܝܵܐ
ܒܘܼܨܵܪܹ̈ܐ ܕܡܲܕܲܐܬܵܐ ܩܵܐ ܟܠܚܲܕ ܦܵܪܥܵܢܵܐ ܕܡܲܕܲܐܬܵܐ

< ܠܵܒܵܬ݇ܪܵܐ (ܐܸܢܓܠܸܣܵܝܵܐ)

ܫܘܼܠܛܵܢܵܐ ܕܐܘܿܣܬܪܵܠܝܵܐ ܥܒ݂ܝܼܕܵܐ ܝܠܹܗ ܫܘܼܚܠܵܦܹ̈ܐ ܓܵܘ ܟܡܵܝܘܼܬܵܐ ܕܡܲܕܲܐܬܵܐ ܕܕܲܚܠܵܐ ܩܵܐ ܦܲܪ̈ܨܘܿܦܹܐ ܠܚܘܼܕܵܝܹ̈ܐ ܘܟܡܵܝܘܼܬܵܐ ܕܕܲܚܠܵܐ ܕܐܲܢܹܐ ܟܡܵܝܘܵܬܹ̈ܐ ܕܡܲܕܲܐܬܵܐ ܦܝܼܫܹܐ ܝܢܵܐ ܪܫܝܼܡܹܐ ܩܵܐܠܲܝܗܝ (ܦܝܼܫܹܐ ܝܕܝܼܥܝܹܐ ܐܲܝܟ݂ 'ܣܩܘܼܦܝܵܬܹ̈ܐ' (‘thresholds’).

ܐܲܢܹܐ ܫܘܼܚܠܵܦܹ̈ܐ ܒܸܕ ܝܵܗܒ݂ܝܼ ܚܲܕ ܒܘܼܨܵܪܵܐ ܕܡܲܕܲܐܬܵܐ ܩܵܐ ܟܠܚܲܕ ܦܵܪܥܵܢܵܐ ܕܡܲܕܲܐܬܵܐ ܓܵܘ ܐܘܿܣܬܪܵܠܝܵܐ.

ܐܝܼܡܲܢ ܒܸܕ ܩܲܒܠܸܢ ܠܹܗ ܒܘܼܨܵܪܵܐ ܕܡܲܕܲܐܬܵܐ ܕܕܝܼܝܼ؟

ܛܝܼܡܹܐ ܕܡܲܕܲܐܬܵܐ ܕܕܲܚܠܵܐ ܘܣܩܘܼܦܝܵܬܹ̈ܐ ܚܲܕܬܹ̈ܐ ܒܸܕ ܫܲܪܝܼ ܦܠܵܚ̈ܐ ܩܵܐ ܟܠܹܗ ܕܲܚܠܵܐ ܕܥܲܠܹܗ ܡܲܕܲܐܬܵܐ ܟܹܐ ܦܵܝܫܵܐ ܦܪܝܼܥܬܵܐ ܕܒܸܕ ܩܵܢܝܼܬܘܿܢ ܠܹܗ ܒܫܲܪܵܝܬܵܐ ܡ̣ܢ ܣܝܼܩܘܿܡܵܐ 1 ܬܲܡܘܼܙ 2024.

ܩܵܐ ܣܲܗܡܵܐ ܙܵܘܕܵܐ ܕܦܵܪ̈ܥܵܢܹܐ ܕܡܲܕܲܐܬܵܐ، ܒܘܼܨܵܪܵܐ ܕܡܲܕܲܐܬܵܐ ܕܕܝܼܵܘܟ݂ܘܿܢ ܒܸܕ ܚܵܙܝܼܬܘܿܢ ܠܹܗ ܓܵܘ ܟܡܵܝܘܼܬܵܐ ܕܡܵܥܵܫܵܘܟ݂ܘܿܢ ܒܟܠ ܝܵܘܡܵܐ ܕܩܲܒܠܝܼܬܘܿܢ ܠܵܗ̇.

ܚܲܕܟܡܵܐ ܦܵܪܥܵܢܹ̈ܐ ܕܡܲܕܲܐܬܵܐ ܒܸܕ ܩܲܒܠܝܼܠܹܗ ܒܘܼܨܵܪܵܐ ܓܵܘ ܟܡܵܝܘܼܬܵܐ ܕܡܲܕܲܐܬܲܝܗܝ ܐܝܼܡܲܢ ܕܫܲܕܪܝܼܠܵܗ̇ ܦܸܬܩܵܐ ܕܡܲܕܲܐܬܵܐ ܘܐܝܼܡܲܢ ܕܦܝܼܫܬܵܐ ܝܠܵܗ̇ ܨܘܼܚܨܝܼܬܵܐ ܡ̣ܢ ܒܵܬ݇ܪ ܚܘܼܬܵܡܵܐ ܕܫܹܢ݇ܬܵܐ ܟܸܣܦܵܢܵܝܬܵܐ 2024 - 2025.

ܐܲܢܹܐ ܒܘܼܨܵܪܹ̈ܐ ܕܡܲܕܲܐܬܵܐ ܠܹܐ ܛܲܒܸܩܝܼ ܥܲܠ ܦܸܬܩܵܘܟ݂ܘܿܢ ܕܡܲܕܲܐܬܵܐ ܩܵܐ ܫܹܢ݇ܬܵܐ 2023 - 2024.

ܡܵܨܝܼܬܘܿܢ ܕܡܲܦܠܸܚܝܼܬܘܿܢ ܠܹܗ ܡܲܢܵܝܵܐ ܕܒܘܼܨܵܪܵܐ ܕܡܲܕܲܐܬܵܐ ܠܚܲܫܒܘܼܢܹܐ ܟܡܵܝܘܼܬܵܐ ܡܘܼܚܫܸܚܬܵܐ ܫܹܢ݇ܬܵܝܬܵܐ ܕܒܘܼܨܵܪܵܐ ܕܡܲܕܲܐܬܵܐ ܕܕܝܼܵܘܟ݂ܘܿܢ.

ܕܵܐܟ݂ܝܼ ܒܸܕ ܩܲܒܠܸܢ ܠܹܗ ܒܘܼܨܵܪܵܐ ܕܡܲܕܲܐܬܵܐ ܕܕܝܼܝܼ؟

ܐܸܢ ܐܲܚܬܘܿܢ ܝܼܬܘܿܢ ܚܲܕ ܦܵܠܵܚܵܐ، ܡܲܦܠܸܚܵܢܵܘܟ݂ܘܿܢ ܒܸܕ ܚܲܕܸܬ ܠܵܗ̇ ܟܡܵܝܘܼܬܵܐ ܕܡܲܕܲܐܬܵܐ ܫܩܝܼܠܬܵܐ ܡ̣ܢ ܡܵܥܵܫܵܘܟ݂ܘܿܢ ܠܦܘܼܬ ܣܸܕܪܵܐ ܕܦܘܼܪܥܵܢܵܐ ܕܡܲܕܲܐܬܵܐ ܥܲܠ ܕܲܚܠܵܐ ܒܩܸܣܛܹ̈ܐ (pay as you go withholding (PAYG) tax) ܒܟܠ ܝܵܘܡܵܐ ܕܟܹܐ ܩܲܒܠܝܼܬܘܿܢ ܠܵܗ̇ ܡܵܥܵܫܵܘܟ݂ܘܿܢ. ܨܲܚܨܹܝܡܘܼܢ ܠܹܗ ܣܸܓ݂ܠܵܐ ܕܡܵܥܵܫܵܐ ܕܕܝܼܵܘܟ݂ܘܿܢ، ܘܐܸܢ ܠܵܐ ܝܬܘܿܢ ܩܲܒܘܼܠܹܗ ܒܘܼܨܵܪܵܘܟ݂ܘܿܢ ܕܡܲܕܲܐܬܵܐ، ܒܲܩܪܘܼܢ ܠܹܗ ܡܲܦܠܸܚܵܢܵܘܟ݂ܘܿܢ ܐܸܢ ܐܵܢܝܼ ܡܲܦܠܘܼܚܲܝܗܝ ܝܢܵܐ ܛܝܼܡܹ̈ܐ ܚܲܕܬܹ̈ܐ ܕܡܲܕܲܐܬܵܐ. ܡܲܦܠܸܚܵܢܹ̈ܐ ܘܵܠܹܐ (ܓܵܪܲܓ) ܕܡܲܦܠܸܚܝܼܠܗܘܿܢ ܛܝܼܡܹ̈ܐ ܕܡܲܕܲܐܬܵܐ ܘܣܸܕܪܹ̈ܐ ܕܟܡܵܝܘܼܬܵܐ ܕܡܲܕܲܐܬܵܐ ܚܲܕܬܹ̈ܐ ܒܫܲܪܵܝܬܵܐ ܡ̣ܢ ܣܝܼܩܘܿܡܵܐ 1 ܬܲܡܘܼܙ 2024. ܣܸܕܪܹ̈ܐ ܕܡܲܕܲܐܬܵܐ ܚܲܕܬܹ̈ܐ ܡܸܬܩܲܢܝܵܢܹܐ ܝܢܵܐ ܥܲܠ ܫܲܘܦܵܐ ato.gov.au/taxtables.

ܡܘܿܕܝܼ ܝܠܹܗ ܚܲܕ ܒܘܼܨܵܪܵܐ ܕܡܲܕܲܐܬܵܐ؟

ܒܘܼܨܵܪܹ̈ܐ ܕܡܲܕܲܐܬܵܐ ܝܼܢܵܐ ܚܲܕ ܫܘܼܚܠܵܦܵܐ ܓܵܘ ܟܡܵܝܘܼܬܵܐ ܕܡܲܕܲܐܬܵܐ ܘܓܵܘ ܣܩܘܼܦܝܵܬܹ̈ܐ ܕܚܲܕ ܦܲܪܨܘܿܦܵܐ ܠܚܘܿܕܵܝܵܐ ܘܦܠܵܛܲܝܗܝ ܝܼܠܹܗ ܚܕܵܐ ܡܲܒܨܲܪܬܵܐ ܓܵܘ ܟܡܵܝܘܼܬܵܐ ܕܡܲܕܲܐܬܵܐ ܕܕܲܚܠܵܐ ܕܚܲܕ ܦܲܪܨܘܿܦܵܐ ܠܚܘܿܕܵܝܵܐ ܣܢܝܼܩܵܐ ܝܠܹܗ ܕܦܵܪܹܥ.

ܒܘܼܨܵܪܵܐ ܕܡܲܕܲܐܬܵܐ ܦܪܝܼܫܵܐ ܝܠܹܗ ܡ̣ܢ ܡܲܕܲܐܬܵܐ ܡܘܼܕܥܸܪܬܵܐ ܕܝܼܠܵܗ̇ ܟܡܵܝܘܼܬܵܐ ܕܙܘܼܙܹ̈ܐ ܕܡܲܟܬܒ݂ܵܐ ܕܡܲܕܲܐܬܵܐ ܕܐܘܿܣܬܪܵܠܝܵܐ (Australian Taxation Office (ATO)) ܟܹܐ ܡܲܕܥܸܪܝܼܠܵܗ̇ ܩܵܐܠܵܘܟ݂ܘܿܢ ܐܸܢ ܟܡܵܝܘܼܬܵܐ ܕܡܲܕܲܐܬܵܐ ܕܦܸܪܥܝܹܐ ܝܬܘܿܢ ܝܼܗܘܵܐ ܒܘܼܫ ܙܵܘܕܵܐ ܡ̣ܢ ܟܡܵܝܘܼܬܵܐ ܕܣܢܝܼܩܹܐ ܝܬܘܿܢ ܗܘܵܐ ܕܦܵܪܥܝܼܬܘܿܢ ܗܘܵܐ ܠܵܗ̇ ܐܝܼܡܲܢ ܕܫܲܕܘܼܪܹܐ ܝܬܘܿܢ ܦܸܬܩܵܘܟ݂ܘܿܢ ܕܡܲܕܲܐܬܵܐ ܩܵܐ ܚܕܵܐ ܫܹܢ݇ܬܵܐ ܟܸܣܦܵܢܵܝܬܵܐ.

ܕܵܐܟ݂ܝܼ ܟܹܐ ܦܵܠܚܝܼ ܟܡܵܝܘܵܬܹ̈ܐ ܕܡܲܕܲܐܬܵܐ ܕܕܲܚܠܵܐ ܘܣܩܘܼܦܝܵܬܹ̈ܐ؟

ܐܸܢ ܐܲܚܬܘܿܢ ܝܼܬܘܿܢ ܚܲܕ ܦܵܪܥܵܢܵܐ ܕܡܲܕܲܐܬܵܐ ܓܵܘ ܐܘܿܣܬܪܵܠܝܵܐ، ܐܝܼܬܠܵܘܟ݂ܘܿܢ ܗܲܩܘܼܬܵܐ ܕܩܲܒܠܝܼܬܘܿܢ ܚܕܵܐ ܣܩܘܼܦܬܵܐ ܒܟܡܵܝܘܼܬܵܐ ܕ 18،200 ܕܘܿܠܵܪܹ̈ܐ ܕܥܲܠܘܿܗ̇ ܠܹܐ ܦܵܪܥܝܼܬܘܿܢ ܡܲܕܲܐܬܵܐ. ܡܲܥܢܵܝܵܐ ܕܐܵܗܵܐ ܝܼܠܹܗ ܕܐܲܚܬܘܿܢ ܡܵܨܝܼܬܘܿܢ ܕܩܵܢܝܼܬܘܿܢ ܗܲܠ 18،200 ܕܘܿܠܵܪܹ̈ܐ ܒܫܹܢ݇ܬܵܐ ܘܠܵܐ ܝܬܘܿܢ ܣܢܝܼܩܹܐ ܕܦܵܪܥܝܼܬܘܿܢ ܡܲܕܲܐܬܵܐ.

ܐܸܢ ܩܵܢܝܼܬܘܿܢ ܒܹܝܠ 18،201 ܕܘܿܠܵܪܹ̈ܐ ܘ 45،000 ܕܘܿܠܵܪܹ̈ܐ:

• ܠܹܐ ܦܵܪܥܝܼܬܘܿܢ ܡܲܕܲܐܬܵܐ ܥܲܠ 18،200 ܕܘܿܠܵܪܹ̈ܐ ܩܲܕܡܵܝܹ̈ܐ، ܘ
• ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 16 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 18،201 ܕܘܿܠܵܪܹ̈ܐ ܘ 45،000 ܕܘܿܠܵܪܹ̈ܐ.

ܐܸܢ ܩܵܢܝܼܬܘܿܢ ܒܹܝܠ 45،001 ܕܘܿܠܵܪܹ̈ܐ ܘ 135،000 ܕܘܿܠܵܪܹ̈ܐ:

• • ܠܹܐ ܦܵܪܥܝܼܬܘܿܢ ܡܲܕܲܐܬܵܐ ܥܲܠ 18،200 ܕܘܿܠܵܪܹ̈ܐ ܩܲܕܡܵܝܹ̈ܐ، ܘ
• • ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 16 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 18،201 ܕܘܿܠܵܪܹ̈ܐ ܘ 45،000 ܕܘܿܠܵܪܹ̈ܐ، ܘ
• • ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 30 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 45،001 ܕܘܿܠܵܪܹ̈ܐ ܘ 135،000 ܕܘܿܠܵܪܹ̈ܐ.

ܐܸܢ ܩܵܢܝܼܬܘܿܢ ܒܹܝܠ 135،001 ܕܘܿܠܵܪܹ̈ܐ ܘ 190،000 ܕܘܿܠܵܪܹ̈ܐ:

• ܠܹܐ ܦܵܪܥܝܼܬܘܿܢ ܡܲܕܲܐܬܵܐ ܥܲܠ 18،200 ܕܘܿܠܵܪܹ̈ܐ ܩܲܕܡܵܝܹ̈ܐ، ܘ
• ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 16 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 18،201 ܕܘܿܠܵܪܹ̈ܐ ܘ 45،000 ܕܘܿܠܵܪܹ̈ܐ، ܘ
• ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 30 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 45،001 ܕܘܿܠܵܪܹ̈ܐ ܘ 135،000 ܕܘܿܠܵܪܹ̈ܐ، ܘ
• ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 37 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 135،001 ܕܘܿܠܵܪܹ̈ܐ ܘ 190،000 ܕܘܿܠܵܪܹ̈ܐ.

ܐܸܢ ܩܵܢܝܼܬܘܿܢ ܥܸܠܸܠ ܡ̣ܢ 190،000 ܕܘܼܠܵܪܹ̈ܐ:

• • ܠܹܐ ܦܵܪܥܝܼܬܘܿܢ ܡܲܕܲܐܬܵܐ ܥܲܠ 18،200 ܕܘܿܠܵܪܹ̈ܐ ܩܲܕܡܵܝܹ̈ܐ، ܘ
• • ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 16 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 18،201 ܕܘܿܠܵܪܹ̈ܐ ܘ 45،000 ܕܘܿܠܵܪܹ̈ܐ، ܘ
• • ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 30 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 45،001 ܕܘܿܠܵܪܹ̈ܐ ܘ 135،000 ܕܘܿܠܵܪܹ̈ܐ، ܘ
• • ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 37 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܒܹܝܠ 135،001 ܕܘܿܠܵܪܹ̈ܐ ܘ 190،000 ܕܘܿܠܵܪܹ̈ܐ، ܘ
• • ܒܸܕ ܦܵܪܥܝܼܬܘܿܢ ܡܲܕܲܐܬܵܐ ܒܟܡܵܝܘܼܬܵܐ ܕ 45 ܣܲܢܬܹ̈ܐ ܩܵܐ ܟܠܚܲܕ ܕܘܿܠܵܪ ܕܩܸܢܝܹܗ ܝܬܘܿܢ ܥܸܠܸܠ ܡ̣ܢ ܣܩܘܼܦܬܵܐ ܕ 190،000 ܕܘܿܠܵܪܹ̈ܐ.

ܚܲܕܟܡܵܐ ܦܵܪ̈ܥܵܢܹܐ ܕܡܲܕܲܐܬܵܐ ܦܪ̈ܝܼܫܹܐ، ܐܲܝܟ݂ ܐܵܢܝܼ ܕܐܝܼܬܠܗܘܿܢ ܚܲܕ ܕܲܚܠܵܐ ܟܘܼܦܵܐ ܘܐ݇ܢܵܫܹ̈ܐ ܥܒ݂ܝܼܪܹ̈ܐ ܒܫܸܢܹ̈ܐ ('ܣܵܒ݂ܹ̈ܐ') ܒܲܠܟܵܐ ܕܗܵܘܝܼ ܚܫܝܼܚܹܐ ܕܩܲܒܠܝܼ ܒܘܼܨܵܪܹ̈ܐ ܓܵܘ ܟܡܵܝܘܼܬܵܐ ܕܡܲܕܲܐܬܵܐ (ܚܲܕܟܡܵܐ ܓܵܗܹ̈ܐ ܩܸܪ̈ܝܹܐ ܡܲܒܨܲܪܬܵܐ ܕܡܲܕܲܐܬܵܐ) ܕܒܸܕ ܡܲܒܨܸܪܝܼܠܵܗ̇ ܟܡܵܝܘܼܬܵܐ ܐ݇ܚܵܪܵܝܬܵܐ ܕܡܲܕܲܐܬܵܐ ܕܐܵܢܝܼ ܕܵܝܢܵܢܹ̈ܐ ܝܢܵܐ ܕܦܵܪܥܝܼܠܵܗ̇.

ܠܸܩܢܵܝܵܐ ܒܘܼܫ ܙܵܘܕܵܐ ܡܵܘܕܥܵܢܘܼܬܵܐ ܒܘܼܬ ܦܪܵܥܬܵܐ ܕܡܲܕܲܐܬܵܐ ܥܲܠ ܕܲܚܠܵܘܟ݂ܘܿܢ، ܣܲܚܒܸܪܘܿܢ Australian Taxation Office website(ܫܵܘܦܵܐ ܐܹܠܸܟܬܪܘܿܢܵܝܵܐ ܕܡܲܟܬܒ݂ܵܐ ܕܡܲܕܲܐܬܵܐ ܕܐܘܿܣܬܪܵܠܝܵܐ).

ܗܲܝܲܪܬܵܐ ܒܢܵܦܩܵܬܹ̈ܐ ܕܚܲܝܘܼܬܵܐ

ܫܘܼܠܛܵܢܵܐ ܕܐܘܿܣܬܪܵܠܝܵܐ ܡܵܘܕܘܼܝܹܐ ܝܠܹܗ ܕܪܵܒܵܐ ܒܲܝܬܘܼܝܵܬܹ̈ܐ ܥܲܓ̰ܘܼܙܹܐ ܝܢܵܐ ܒܚܠܘܼܨܝܵܐ ܕܢܵܦܩܵܬܹ̈ܐ ܕܚܲܝܘܼܬܵܐ. ܫܘܼܠܛܵܢܵܐ ܒܸܝܵܗܒ݂ܵܐ ܝܠܹܗ ܒܘܼܨܵܪܹ̈ܐ ܕܡܲܕܲܐܬܵܐ ܩܵܐ ܟܠܲܝܗܝ ܦܵܪ̈ܥܵܢܹܐ ܕܡܲܕܲܐܬܵܐ ܓܵܘ ܐܘܿܣܬܪܵܠܝܵܐ.

ܗܲܝܘܼܪܹܐ ܩܵܐ Priya

Priya ܟܹܐ ܚܵܝܵܐ ܓܵܘ ܦܢܝܼܬܵܐ ܩܠܹܝܡܵܝܬܵܐ ܕܐܘܿܣܬܪܵܠܝܵܐ. ܕܲܚܠܘܿܗ̇ ܝܼܗܘܵܐ 90،000 ܕܘܿܠܵܪܹ̈ܐ ܘܗ̇ܝ ܦܪܹܥܠܵܗ̇ ܡܲܕܲܐܬܵܐ ܕܕܲܚܠܵܐ ܒܟܡܵܝܘܼܬܵܐ ܕ 21،517 ܕܘܿܠܵܪܹ̈ܐ، ܒܸܚܒ݂ܵܫܵܐ 2 ܐܸܡܘܼܢܹ̈ܐ ܩܵܐ ܫܸܩܠܵܐ ܕܡܹܕܝܼܟܵܝܪ ܒܫܹܢ݇ܬܵܐ 2023 - 2024. ܥܲܠ ܚܲܕ ܕܲܚܠܵܐ ܕܗܲܪ ܒܐܲܝܵܐ ܟܡܵܝܘܼܬܵܐ، Priya ܒܸܕ ܩܲܒܠܵܐ ܚܲܕ ܒܘܼܨܵܪܵܐ ܕܡܲܕܲܐܬܵܐ ܒܟܡܵܝܘܼܬܵܐ ܕ 1،929 ܕܘܿܠܵܪܹ̈ܐ ܩܵܐ ܫܹܢ݇ܬܵܐ 2024 - 2025.

ܟܠܲܝܗܝ 13.6 ܡܸܠܝܘܿܢܹ̈ܐ ܕܦܵܪ̈ܥܵܢܹܐ ܕܡܲܕܲܐܬܵܐ ܓܵܘ ܐܘܿܣܬܪܵܠܝܵܐ ܒܸܕ ܩܲܒܠܝܼ ܚܲܕ ܒܘܼܨܵܪܵܐ ܕܡܲܕܲܐܬܵܐ. ܡܵܨܝܼܬܘܿܢ ܕܡܲܚܫܸܒ݂ܝܼܬܘܿܢ ܟܡܵܐ ܒܸܕ ܗܵܘܝܵܐ ܟܡܵܝܘܼܬܵܐ ܕܒܘܼܨܵܪܵܐ ܕܡܲܕܲܐܬܵܐ ܕܒܸܕ ܩܲܒܠܝܼܬܘܿܢ ܠܵܗ̇ ܒܡܲܦܠܲܚܬܵܐ ܕܡܲܢܵܝܵܐ*.

ܡܲܩܲܡܬܵܐ ܕܡܵܘܕܥܵܢܘܼܬܵܐ ܒܘܼܬ ܒܘܼܨܵܪܹ̈ܐ ܕܡܲܕܲܐܬܵܐ ܒܸܚܒ݂ܵܫܵܐ ܝܠܵܗ̇ ܡܠܘܿܐܹ̈ܐ ܠܡܲܝܕܘܼܥܹܐ ܩܵܐ ܦܵܪ̈ܥܵܢܹܐ ܕܡܲܕܲܐܬܵܐ ܓܵܘ ܐܘܿܣܬܪܵܠܝܵܐ ܒܘܼܬ ܫܘܼܚܠܵܦܹ̈ܐ ܕܡܲܕܲܐܬܵܐ ܕܫܘܼܠܛܵܢܵܐ ܥܒ݂ܝܼܕܲܝܗܝ ܝܠܹܗ.

ܪ̈ܘܼܫܡܹܐ ܡܸܬܙܝܼܥܵܢܹ̈ܐ ܕܒܘܼܨܵܪܹ̈ܐ ܕܡܲܕܲܐܬܵܐ